Дунё киносида кун сайин изчил ўзгаришлар авжида. Махсус кўзойнаксиз фильм кўриш жуда зерикарли ва замондан орқада қолишдек бўлиб боряпти. Мана шундай ўзгаришлар даври юртимизда ҳам ўзига хос тарзда кечятгани қувонарли ҳол. Аввало, пойтахтимизда 5-D шаклдаги 5 дақиқалик фильмларга мўлжалланган мўъжаз кинотеатрлар илдиз отди. Эндиликда 3-D кинотеатрлар очилиши кутиляпти. Сўнгги маълумотларга қараганда, ўзимизда ҳам 3-D шаклдаги фильмлар яратилиши ҳам 2011 йилдан бошлаб йўлга қўйилади. Ушбу йирик лойиҳани биринчилардан бўлиб «Синема Маркет” компанияси бошлашни режалаштирган. Компания илк ишини болажонларга бағишлаб, ажойиб мультфильм устида иш олиб боряпти.