Бу ғаройиб воқеа Россия мусулмонларининг ҳаммасини ҳайратга солди — Доғистоининг кичкинагина Красно-октябрский қишлоғидаги гўдак Алининг бутун танасида Қуръон оятлари пайдо бўлмоқда. Қуръон оятлари ҳафта сайин кўпайиб бораётган мўъжизавий тўққиз ойлик болани кўриш учун Россиянинг ҳамма еридан келишяпти.

Бу мўъжиза нафақат мутахассисларга, балки Алининг ота-онаси — милиционер ва уй бекасига хам ғаройиб туйилмокда. Мадина Ёқубова илк бор гўдагининг иягида арабча "Аллоҳ" деган ёзувни кўрганида, эри шундай деди: "Ҳеч кимга гапириб юрма! Одамлар нима деб ўйлайди?" Кўп ўтмай ёзув изсиз йўқолди, лекин кейин боланинг қўли, оёғи ва белида пайдо бўлди! Бундан қаттиқ таъсирланган ота маҳаллий муллани чақириб, ёзувларнинг маъносини тушунтириб беришни илтимос қилди. Мулла араб ёзувларини ўқиди. Шунда боланинг ота-онаси бу мўъжизани ортиқ пинҳон тутиб бўлмаслигини англади.
— Энг буюк мўъжиза содир бўлди! — дейди Республика хайрия фонди раиси Аҳмадпоша Амирилаев ишонч билан, сирли ёзувларни шахсан кўриш учун Ёқубовларникига бориб келгач. — Худонинг ўзи иймонимизни мустаҳкамлаш ва қирғинбаротларни бас қилишимиз учун бизга бу болани юборди.
Муқаддас китобда келтирилган оятлар гўдакнинг танасида туғилганиданоқ пайдо бўла бошлади.
— Мадинада туғруқ жуда оғир кечганди, — деб эслайди боланинг отаси Шомил. — Али 3 январда оғир туғруқ туфайли баданида моматалоқ билан туғилган.
Бир неча кундан кейин кўкариқлар кетди, Мадина гематомаларнинг ўрни араб ёзувига ўхшаб қолганини кўрди. Хотиним иккаламиз арабчани тушунмаймиз. Палатадоши эса: "Мадина, Алининг иягига Аллоҳнинг исми ёзилган", дебди. Ростини айтсам, туғрукҳонадан Алининг илк суратларини жўнатишганда, ичимда нимадир содир бўлганди.
Ёзув ўчиб кетди, ота-онаси ҳам буни унутишга ҳаракат қилишди.
— Аммо кўп ўтмай, у яна пайдо бўлди! — дея хитоб қилади ота. — Аввалига иягида, кейин иккала қўлида ҳам "Аллоҳ" деган ёзув пайдо бўлди. Сўнг пешонасида, яна иягида, белида аниқ ҳарфлар билан кўринди. Биз уни ўчиришга, ювиб ташлашга уриниб кўрдик, ишқалаб артдик, лекин ўчмади! Бу унинг ичидан келяпти, аввалига ҳарорати кўтарилади (сира тушириб бўлмайди), кейин терисида ёзув пайдо бўлади. Ёзувлар узайиб кетган, икки-уч кунлар турган пайтлар ҳам бўлди. Аввалига хотиним иккимиз бу ҳақда гапирмасликка қарор қилдик, шов-шув кўтарилишини хоҳламадик. Одамлар қанақалигини биласиз-ку, гап топилса бас...
Аммо ҳаммаси бир кунда ўзгариб кетди.
— Жума куни кечқурун намоз-дан кейин мулла билан гаплашиб ўтиргандик. Ёзувлар ҳақида фақат у биларди. Мен унга: "Нима қиламиз, ака?" деб маслаҳат солдим. У бироз ўйлади-да, "Ҳозирча ҳеч кимга кўрсатмай қўя қолайлик", деди. Эртаси куни янги ёзув пайдо бўлди. Имомни чақириб кўрсатдим. Қарасам, бечора шамдек қотиб қолган. "Нима экан?" деб сўрадим. Имом титроқ овозда таржима қилди: "Бу — Қуръон ояти — "Кимки буни яширса, у чиндан гуноҳкор". Кейин: "Яратган буни одамларга кўрсатишимиз учун ишора берди", деди.
Ҳозир Ёқубовларнинг уйи зиёратгоҳга айланиб қолган. Мўъжизавий болани кўришга Доғистон, Чеченистон, Москва ва бошқа шаҳарлардан келишади.
— Тиббиёт нуқтаи назаридан бу ҳолатни изоҳлай олмайман, —деб елка қисади маҳаллий ҳамшира. — Бундай ҳолатга сира дуч келмаганман!
— Бу Худонинг ишораси, — дейди имом Абдулла ишонч билан. — Гўдакнинг танасида Аллоҳнинг оятлари пайдо бўлаётгани — ҳаммамиз учун бир ишора, фақат мусулмонлар учун эмас, балки бошқа диндагилар учун ҳам. Ахир Худо битта-ку.
Шу материални тайёрлаётганимизда, кичкинтой Алининг баданида яна бир оят пайдо бўлди.