Штройзел (streusel) олмон тилида "сепилган" маънони билдирувчи сўз ва пишириқчиликда қўлланиладиган махсус увоқга нисбатан ишлатилади. Турли ҳил булочка, пирог ва кекслар устига  увоқ (штройзел) сепиб пишириш усули Олмонинияда кенг қўлланилиб бошқа мамлакат ошхоналарига ҳам тарқалган. Штройзел асосоан ун, сириёг ва шакардан тайёрланадиган увоқ ва уни кўпинча пиширик устига сепилади. Штройзелни бутунлай хамир ўрнига ишлатса ҳам бўлади. Шунда тайёр бўлаган пишириқни увоқланиб  кетмаслиги учун уни устига каймокли аралашма қуйилади. Тайёр бўлган пирог жуда бой ва мазали таъмга эга булади.

МАСАЛЛИҚЛАР:

Штройзел (увоқ)
•    200 гр ун
•    100 гр сариёғ (ёки маргарин)
•    1 чой қошиқ разрыхлитель
•    150 гр шакар

Начинка (устига қуйилади)
•    1 кг олма
•    200 мл қаймоқ
•    1 та тухум
•    50 гр шакар
•    1 чой қошиқ долчин (рус: корица; eng: cinnamon)

ТАЙЁРЛАНИШИ:

	1. Штройзел тайерлаб оламиз. Бунинг учун идишда ун, разрыхлитель ва шакарни  аралаштириб устига сариёғ қўшилади. Тайёр бўлган аралашмани икки кафт орасида ишқалаб увоқ ҳолига келтирамиз. Аралашмани блендерга солиб ҳам увоқ ҳолига келтирса бўлади.
	2. Олмани паррак қилиб тўғраб оламиз.
	3. Қолипга штройзелни 3/ 4 қисмини сепиб чиқамиз. Муҳим:  Штройзелни фақат сепиб чикиш керак. Устидан босилмайди.
	4. Штройзел устидан тўғралган олмани териб чиқиб олма устига долчин сепамиз.
	5. Олма устидан штройзелни қолган 1/ 4 қисмини сепамиз.
	6. Пирогни 200o C даражагача қиздирилган духовкага 10 дақиқага қўямиз.
	7. Алоҳида идишда қаймоқ, тухум ва шакарни аралаштирамиз.
	8. 10 дақиқадан кейин пирогни духовкадан олиб устидан қаймоқ ва тухумли аралашмани қуямиз.
	9. Пирогни яна 200о С даражагача қиздирилган духовкада 30 дақиқа давомида пишириб оламиз.  10. Пирог совугач қолипдан олиб, устига шакар кукуни сепамиз.