50 ТА ДАВЛАТ РАҲБАРИ, 2 МИЛЛИАРД ТОМОШАБИН ВА БОШҚА ДАБДАБАЛАР!
ЛОНДОН МАРКАЗИНИНГ ҲАР БИР САНТИМЕТРИГАЧА ТЕКШИРИЛМОҚДА!
Салкам
бир йилдан бери Британия Қироличаси хонодонида шаҳзоданинг тўйи
ҳақидаги маълумотлар овоза қилиняпти. Ёшлар қай тарзда севишиб қолгани,
бўлажак келинга қай даражадаги қимматбаҳо бриллиант узук совға
қилингани, тўй куни қандай ўтказилиши... Хуллас, шов-шувларга бой кун
ҳам тобора яқинлашмоқда. Маълумотларга кўра, Шаҳзода Вилям ва Кейт
Миддлтон тўйида беш минг полиция зобити хизматда бўлади. Нозик
меҳмонларни қўриқлаш учун 100 га яқин тансоқчилар гуруҳи тузилган. Энг
муҳими, тўйни соғ-омон, тинч ўтказиб олиш. Шу боисдан хавфсизлик
чоралари бошлаб юборилди. Полиция Лондон марказининг ҳар бир
сантиметрини текширмоқда! Изқувар итлар эса бомбаларни излаш билан
ҳалак. 50 нафар давлат раҳбари иштирок этадиган, зангори экран орқали 2
миллиард одам томоша қилиши кутилаётган дабдабали тўйни ўтказишнинг ўзи
бўладими?! Асосийси, оламшумул тўй ҳам эмас...Бахтини берсин, ёшларнинг!
Бахтини!
