Bulut to'kar ko'z yoshin yig'lab
Termulaman uzoqlarga jim
Hayol ichra deyman shivirlab
Seni mendek sevolmas hech kim

Sen men uchun eng go'zal hayot
O'zingdursan qalbdagi sirim
Yuragimdan otilar faryod
Seni mendek sevolmas hech kim

O'chog'iga o'tdan ishq qalab
O'rtanadi bu g'amgin dilim
O'z o'ziga deydi shivirlab
Seni mendek sevolmas hech kim

Yuragimning har urushida
Takrorlanar qadrdon ism
Yig'lab deyman hatto tushimda
Seni mendek sevolmas hech kim

Aytolmasman kelsak yuzma yuz
Balki ko'nglimdagi dardlarim
Ko'zlarimda namoyon shu so'z
Seni mendek sevolmas hech kim

Mayli taqdir ko'rmasin ravo
Sevging bilan yashaydi dilim
Yoqtirsinlar yoqsinlar ammo
Seni mendek sevolmas hech kim!