"ЎЗБЕГИМ ТАРОНАСИ” РАДИОСИ ВА
"ТВМ” ТЕЛЕКАНАЛИ БОШЛОВЧИСИ РОКСАНАНИНГ БАХТ ТЎЙИДАН РЕПОРТАЖ
Унинг чеҳрасини доим "ТВМ” телеканалидаги кўрсатувларда кўрамиз, овозини "Ўзбегим таронаси” радиоси орқали эшитамиз.
Бугун 22 ноябрь Тошкент шаҳридаги "ХХХ” ресторанида Роксананинг бахт тўйи бўлиб ўтди.
У оппоқ келинлик либосида, бўлажак умр йўлдоши Қодиржон билан ресторанга мусиқа садолари остида қадам қўйди ва бу мусиқа анъанавий "Келибди” қўшиғига уланди. Сўнг Роксана келин салом қилиб кириб келгач, ҳозирги баъзи тўйлардан фарқли равишда, ФҲДЁ дан ўтиш, рестораннинг ўзида бўлиб ўтди. Никоҳ уйи ходимаси уларни янги ҳаётга қадам қўйганликлари билан табриклаб, бир оила деб эълон қилди, ҳамда икки ёш бир-бирларига никоҳ узуклари тақдилар.
Роксананинг кўзларида ёш. Ким севинч кўз ёшлари деб тушунди ким эса бу кунга рахматли онаси ета олмаганлигида эканлигини билишарди.
Ҳамма яқинлари уни бахтли бир оила бекаси бўлгани билан табрикладилар. Шундан сўнг, келин-куёв ресторан тўридаги ўзларига атаб безатилган жойни эгалладилар.
Тўйни ТВМ телеканали бошловчиси Ойбек Рихсибеков ҳамда, "Ўзбегим таронаси” радиосидан Магамедали олиб бордилар. Биринчи бўлиб, раққоса қизларга навбат берилди. Улар товус рақс билан келин-куёвни табрикладилар. "ТВМ” телеканалидаги касбдошлари томонидан Роксанага табрик сифатида, кичик видеоролик намойиш этилди. Шундан сўнг, хонандалардан биринчи бўлиб, Турманистонлик хонанда Арслон Туркманга навбат берилди. Ундан сўнг, "Марка” гуруҳи йигитлари, кейин бошқа бир қатор хонандалар қўшиқлар куйладилар.
Тўйга ташриф буюрган машҳурлардан айниқса, хонанда Шаҳзода ҳаммани эътиборини тортди. У келин-куёвни табриклаб, сўнг қўшиқ куйлаганида, бир зумда фотосессияга уланиб кетди. Шахзода бир нечта қўшиқ куйлади ва ҳамма берилиб рақсга тушди.
Тўйда қўшиқ куйлаб келин-куёвни табриклаган машҳурлардан: Гулбаҳор Эрқулова, Азиз Ражабий, Илҳом Фармонов, "Шахзод гуруҳи” солисти Рашид Холиков, Шахноз, Сардор Рахимхон, Райҳон, Манзура, Шохруххон, Достон Убайдуллаев, "Афрўз” гуруҳи йигитлари, "Шод” гуруҳи йигитлари ва бошқалар.
Ёш хонанда Акмал Назаров эса "дежур” бўлди.
Актёр ва актрисалардан Раъно Шодиева, Феруза Собитова, Ҳалима, актёрлар Рихситилла Абдуллаев, Учқун Тиллаев ва бошқалар.
Тўйда энг қувониб рақс тушганлар албатта, келиннинг яқин касбдошлари "Ўзбегим таронаси” жамоаси, ҳамда "ТВМ” телеканали жамоалари бўлдилар.
Тўйдаги энг кутилмаган ҳолат, хонанда Азиз Ражабийдан сўнг, "Шод” гуруҳи йигитларига навбат берилгач, улар ўзларининг бир нечта қўшиқларидан сўнг, "Мodern Тalкing” гуруҳининг бир қўшиғини куйлаётганларида, ҳамма жуда берилиб рақс тушаётган бир вақтда, қўшиқ тўхтадию, негадир "Афрўз” гуруҳи эълон қилинди. Кейин эса, бир зумда "Афрўз” ўрнига, дарҳол Илҳом Фармоновга навбат берилди. Хонанда Илҳом Фармонов ҳам ўзининг сара қўшиқларини куйлади ва ҳозиргина тарқалган рақс тушаётган давра яна йиғилиб, рақслар давом этди.
Бир неча хонандаларнинг қўшиқларидан сўнг, хонанда Акбар Атамуҳамедов куйлаган қўшиққа, келин-куёв вальс тушишди. Вальсдан сўнг янграган шўх қўшиққа ҳам, келин-куёв рақс тушдилар. Келин-куёв ўз жойларини эгаллагач, яна қўшиқлар давом этди. Ҳамма келин-куёв билан суратга тушиш, уларни табриклаш ҳамда, янграган қўшиқларга рақс тушиш билан банд эдилар. Келин-куёвни Роксананинг ҳамкасблари алоҳида табрикладилар.
Ниҳоят, Ойбек Рихсибеков келин-куёвни тўй тортини кесишга таклиф этди. Торт кесилгач, Роксана ва Қодиржон, ойижонлари Васила опага ўз қўллари билан торт едирдилар.
Бундан сўнг, келиннинг гулдаста отиш маросими амалга оширилди. Негадир келиндан гулни илиб олишга кўпгина қизалоқлар йиғилди.
Энг қизиғи, гулдастани 10 ёшли Мадина исмли қизалоқ тутиб олди ва келин-куёвни табриклади. Бу ҳолатдан ҳаммани юзига табассум югурди.
Табриклар, қўшиқлар ва рақслар, соат тунги 22.00 дан ошгунга қадар давом этди.
"Шаҳзод” гуруҳи солисти Рашид Холиқовнинг шўх қўшиғига келин-куёв ҳамкасблари билан яна рақсга тушдилар.
Соат миллари 22.30 ни кўрсатганида, "Ёр-ёр” садолари остида келин-куёв тўйхонадан чиқиб, уларни кутиб турган машинага ўтиришди.
Юртимиздаги оилалар сафига яна бир бахтли оила қўшилди.
Роксанага чин дилдан бахт тилаймиз!
