5 ta tuxum oqini 1 stakan shakar bilan ko'pirtiramiz. Bittadan tuxum sarigini qo'shib yana ko'pirtiramiz. Unga 170 gramm (1 stakandan kamroq) un va 2-3 osh qoshiq kakao qo'shamiz va qoshiqda asta aralashtiramiz.
Biskvitni 180-170 gradusda 30-35 daqiqa davomida tayyor bo'lguncha pishirib olamiz. Pishgan biskvitni sovutib 3 korjga ajratamiz.
Tortni yasash:
Birinchi korjimizga olcha varenyasi (yoki siropini) suramiz, hohishga ko'ra yong'oqlar sepib chiqamiz.
Ikkinchi korjni ustiga qo'yib unga qaymoqli krem (0.5 stakan qaymoqni 35 %ligini 0.5 stakan shakar bilan ko'pirtirib olamiz )suramiz. Ustidan olchalarni terib chiqamiz. Uchinchi korjni ustini krem bilan olchalar bilan bezab qo'yamiz.
Tort ertasi kuni yeyilsa juda mazali va mayin bo'ladi.
