O'zbekiston xalq artisti Nasiba Abdullaeva o'zining yangi albomini
taqdim etish arafasida. Albom taqdimoti 5 iyul sanasida Toshkent
shahridagi "Nirvana" musiqiy do'konida bo'lib o'tadi. Albom taqdimotida
O'zbekiston xalq artisti Farruh Zokirov, xonandaning shogirdlari, yaqin
do'stlari hamda xonanda Davron Shanson mehmon sifatida ishtirok
etishlari kutilmoqda.
El suygan san'atkor Nasiba Abdullaeva o'z muxlislari hamda do'stlari
davrasida o'zining Davron Shanson bilan birgalikda ijro etgan
"Paralleli" deb nomlangan duetini kuylash bilan birga o'zining bir qator
ijod namunalarini ham kuylaydi. Shu o'rinda sevimli san'atkorimizga
ijodiy parvozlar tilagan holda, ulardan yangi qo'shiqlarni kutib
qolamiz.
