Buni qarangki ko'zning rangdor pardasini bo'yashda zarur bo'ladigan modda organizmdagi boshqa jarayonlarda ham ishtirok etib, odamning fazilatlariga ta'sir ko'rsatar ekan.Shu tariqa ko'z rangiga qarab odamning fe'l atvorini aniqlash mumkin. Qora ko'zli kishilar juda g'ayratli,ishchan bo'lishadi.Ular chinakam yo'lboshchi bo'lib, hammaning ko'ngliga yo'l topa olishadi.Bundan ular kirishimliligi, o'zlariga ishonishi bilan ajralib turishadi.Ularga atrofdagilarning e'tirofi, hurmat-e'tibori juda zarur.Aks holda hamma narsadan qiziqishi so'nib,o'zlarini yolg'iz his qila boshlaydilar. Ko'k ko'z sohiblari romantik, hayolparast,ko'ngli nozik va ta'sirchan kishilar toifasiga kiradi. Ko'pincha qobiliyatlari tufayli dong taratishadi.Och ko'k ko'z sohiblari odamlarga nisbatan o'ta talabchan va shavqatsiz bo'lishadi.Yoqimli ko'k rangli ko'z sohiblari yumshoq tabiatli, hamma narsani yuragiga yaqin oladigan,depressiyaga moyil bo'lishadi. Kul rang ko'zli odamlar o'ta aqlli, zaxmatkash bo'lishadi.Ular vazmin va ishbilarmon kishilardir.Hayotga teran nazar tashlashlari bilan ajralib turishadi.Odamlar bilan munosabatda o'zlarini tuta bilishadi.Bir oz zerikarli bo'lib ko'rinsalar-da,lekin sofdil va sadoqatlilar. Faqat ularning ichki sezish organlari yaxshi rivojlanmagan bo'ladi. Yashil ko'z sohiblari odatda o'jar,tirishqoq, jiddiy bo'lishadi.Ular nimani xohlashayotganlarini bilishadi va o'z maqsadlariga matonat bilan erishishadi.Tashqi ko'rinishdan mag'rur va dimog'dor ko'rinsada, yaqin do'stlariga nisbatan ko'ngilchan bo'lishadi.Ular jismoniy va ruhiy zo'riqishlarni yaxshi hazm qila olishmaydi. Och jigarrang ko'zli odamlar qora ko'zlilardan tubdan farq qilishadi.Ko'zning rangdor pardasi qancha och bo'lsa, shuncha ko'p tortinchoq va ikilanuvchan bo'ladi.Bunday ko'z sohiblari o'ta ta'sirchan, yumshoq tabiatli, kamsuqum bo'lishadi.Ular mehnatsevar bo'lganlaridan hayotda faqat o'z kuchlariga tayanishadi.
