Ҳаммамизга маълум ва машҳур окрошка. Масаллиқлари жуда оддий ва тайёрланиши ниҳоятда осон. Тўғралган масаллиқларга кефир ёки квас қўшиб совутилади. Агар ях солинса бу мазали ва муздек таомни бир неча дақиқада дастурхонгатортишингиз мумкин. Окрошка тайёрлашнинг бир неча ҳил усуллари бўлиб, биз сизга энг оддийсини тақдим қиламиз.
МАСАЛЛИҚЛАР:
кефир (йогурт, қатиқ...)
бодринг
редиска
гўшт (қайнаган товуқ, гўшт, колбаса...)
тухум (кайнатилган)
картошка (кайнатилган)
кўкатлар
кайнатиб совутилган сув
ТАЙЁРЛАНИШИ:
1. Хамма масаллиқларни майда тўғраб оламиз.
2. Кефир, сув, чеснок, туз ва мурчларни аралаштириб туриб тўғралган масаллиқлар билан аралаштирамиз. Тез совитиш учун идишга ях хам солиш мумкин.
Қўшимча: Кефир, сув, туз, мурчли аралашмани олдиндан тайёрлаб совитгичга қўйиб қўйса хам бўлади. Ёки окрошкани бутунлай тайёрлаб олиб совутгичда сақлашингиз ва иссиқда кўчадан келганда мазза қилиб танаввул қилишингиз мумкин.
