Ma'lumki, homilador ayollar homilaning yaxshi rivojlanishiga bevosita ta'sir qiluvchi vitaminlarni yetarli miqdorda iste'mol qilishlari kerak. Ona ratsionida vitaminlar yetishmasligi tug'ilajak bolaga salbiy ta'sir qilishi mumkin, ba'zi holatlarda chaqaloqlarda bu turli aqliy va jismoniy buzilishlarni ham keltirib chiqaradi.

Tug'ruq paytida ayol organizmi oksitotsin deb nomlanuvchi maxsus gormonniishlab chiqaradi. Ushbu gormonning ta'siri natijasida jinsiy organlarning mushaklari mustahkamlanadi, bu esa tug'ruq muvaffaqiyatli kechishi uchun juda zarur. Ammo mazkur gormon har doim ham organizm tomonidan kerakli miqdorda ishlab chiqarilmaydi, bunday paytda shifokorlar uni qo'shimcha ravishda kiritishadi.

Yaqinda o'tkazilgan tadqiqotlar anor suvi tarkibida zarur gormonlarni ishlab chiqarishda ayol organizmiga yordam beradigan hamda vitaminlar yetishmovchiligini to'ldiruvchi moddalar mavjudligini ko'rsatdi. Hozir olimlar anor mevasi asosidagi ayollarga tug'ruq chog'ida yordam beradigan preparatni yaratish ustida ishlashmoqda.