Kishi ruhiyati salomat bo'lishi uchun umuman ishlamagandan ko'ra, sevimli bo'lmagan ishda mehnat qilish xavfliroq ekan. Avstraliyalik Milliy universitet tadqiqotchilari ana shunday xulosaga kelishdi...

Buni aniqlash uchun olimlar quyidagi tajribani o'tkazishadi: har to'rt yilda bir marta (jami ikki marta) yetti mingga yaqin kishi orasida so'rov olib borishgan. Ikkita so'rov natijasi bo'yicha shu davr ichida ishtirokchilar bir necha bor ishlarini yo'qotib, turlicha daromad beradigan boshqa ish topganliklariga qaramasdan, ularning javoblari bir biriga mos tushgan. 

Bundan oldin mutaxassislar ishsizlik depressiya va ruhiy buzilishlarga olib keladi deb hisoblashardi. Ammo mazkur tadqiqot natijalaridan shu narsa ravshan bo'ldiki, biror bir daromad keltiradigan, ammo hech qanday ma'naviy qoniqish bermaydigan ish ba'zi hollarda odamni ishsizlikdan ko'ra ko'proq ezib-qiynab qo'yarkan.