SURATGA OLISH JARAYONIDA RA`NO SHODIYEVA HUSHINI YO`QOTDI!?

Дурдона Тўлаганова, ёш, бунинг устига, аёл режиссёрлар ичида анча фаол чиқди. У янги йилнинг илк ойларида бир йўла иккита картинасини тақдим этишни режалаштирган.

Биринчиси, шу кунларда премьераси бўлиши кутилаётган "Уч тақдир” фильми бўлса, иккинчиси, трагик мелодрамма жанрида суратга олинган "Сароб” картинасидир.  "Сароб” Тўлаганованинг режиссёр-оператор Ёдгор Носиров билан навбатдаги ҳамкорлиги бўлиб, бош ролларда шу пайтгача бирга партёр бўлмаган актёрлар учлигини кўришимиз мумкин. Улар: Раъно Шодиева, Рихситилла Абдуллаев ҳамда Шаҳзода Матжоновалардир. 

Режиссёрнинг айтишича, фильмда бош қаҳрамон, яъни қамалган аёл образига актриса танлаш анча мушкул бўлган. Таклиф этилганларнинг барчаси картина сценарийси билан танишиб чиққач, ундаги иккинчи бош қаҳрамон образини жонлантириш иштиёқига тушиб қолишибди. Ниҳоят, узоқ уринишлардан кейин мазкур ролни маҳоратли актриса Раъно Шодиева жасорат билан қабул қилган, кўпчиликни ром этган иккинчи бош аёл образи, салбий қаҳрамонни эса доим мулойим, мунис қиёфаларда кўриб юрганимиз – Шаҳзода Матжонова ўзиники қилди. Унинг салбий қиёфасини илк бор ана шу фильмда кўришга эришамиз. Назаримизда, бу фильм шу каби бир нечта сенцасиялари билан томошабин эътиборини тортади. Масалан, кўпдан бери фильмларда асосий ролда кўринмаётган Рихситилла Абдуллаев бу картинанинг бош "герой”ларидан бири сифатида намоён бўлади.

Фильмнинг суратга олиш жараёнида содир бўлган воқалардан бири анча пайт Раъно Шодиеванинг эсидан чиқмаса керак. Боиси, айнан шу фильм съёмкаси пайтида ҳаддан ташқари совуқда, бунинг устига ёмғирда узоқ туриб қолганидан ҳушини йўқотди.  Операторлар эса бу ҳолатни Раънонинг импровизациясига йўйиб, унга ёрдам беришга шошилишмади. Вазият жиддийлиги маълум бўлгач, актриса зудлик билан касалхонага олиб кетилди. Ҳозир аҳволи анча яхши! Ҳа! Кино мана шундай машаққатларни талаб қилади...

Шунингдек, фильмда Раъно Ярашева, Юлдуз Ҳамидова, Фатхулла Маъсудов, Ўлмас Алихужаевлар ўзларига хос ролларни талқин этишади.