QURUQ YUZLAR UCHUN MASKALAR

Teri qaysi turga mansubligidan qat'iy nazar, tozalab olingach, uni parvarish qilish uchun turli maskalardan foydalaniladi. Quruq yuzlar uchun mo'ljallangan maskalarni taqdim etamiz.

Tuxum sarig'i va asalli maska. 1 ta tuxum sarig'iga chorak osh qoshiq asal va 0,5 choy qoshiq suli uni qo'shiladi. Maska yuzga suriladi va 10-15 daqiqadan so'ng iliq suvda chayib tashlanadi.

Tuxum sarig'i va moyli maska. 1 ta tuxum sarig'i 1 choy qoshiq zaytun yoki jo'xori yo bo'lmasa boshqa biror bir o'simlik yog'i bilan aralashtiriladi. Qoshiqning uchida ozgina asal qo'shiladi. Yuzga surilib, 10 daqiqa qoldiriladi. 10 daqiqadan so'ng suv va sut aralashmasi bilan chayib tashlanadi.

Oqsilli maska 1. 1 ta ko'pirtirilgan tuxum oqi 1 osh qoshiq asal va 2 choy qoshiq un bilan aralashtirililadi. Tayyor maska yuzga suriladi va 10 daqiqa qoldiriladi. So'ng issiq suv bilan yuvib tashlanadi.

Oqsilli maska 2. 1 ta ko'pirtirilgan tuxum sarig'i 1 osh qoshiq sut va 1 choy qoshiq asal bilan aralashtiriladi. Yuzga suriladi va 15 minutdan so'ng issiq suv bilan yuviladi.

Asalli-tvorogli maska. 1 osh qoshiq asal 2 osh qoshiq suyuqroq tvorog bilan aralashtiriladi. Bu mahsulot yuzda 30 daqiqa davomida ushlab turiladi. Vaqt o'tgach, iliq suv bilan yuvib tashlanadi. Protsedura terini ajoyib oziqlantiradi.

Asalli-sulili maska. 2 osh qoshiq suli (овсянка) yormasi, 1 osh qoshiq asal, 30 g sut, 1 osh qoshiq zaytun yog'I va 3 tomchi limon soki yaxshilab aralashtiriladi. Bu komponentlar aralashmasi yuzga surilgach, 20 minut davomida turadi.

Limondan maska.20 g limon soki, 10 g asalari mumi (пчелиный воск), 10 g quruq yuzlar uchun oziqlantiruvchi krem, 5 g 96 ° spirt birgalikda aralashtiriladi. Tayyor aralashma yuzga surilib, 20-30 daqiqaga qoldiriladi. So'ng iliq suvda yuviladi. Bu jarayon har 2 kunda 1 marta qaytarilsa maqsadga muvofiq bo'ladi.

Piyozli maska. 2 bosh piyoz pishiriladi va 2 osh qoshiq asal qo'shib, yaxshilab eziladi. Tayyor holga kelgach yuzga 20 minutga suriladi. 20 minutdan so'ng ho'llangan qog'oz salfetka bilan tozalab tashlanadi.

Unli maska. 30 g bug'doy uni, 20 g suv va 50 g asal aralashtiriladi. Mahsulotlar yaxshilab aralashtirilgach, tayyor holiday 20 minutga yuzga suriladi. Uy haroratidagi suvda yuvib tashlanadi.

Agar teri po'st tashlasa (sho'ralasa), u holda asal va lipa daraxti guli qaynatmasi yordam beradi. U ½ stakan suv, 2 osh qoshiq lipa daraxti (jo'ka) guli va 1/3 choy qoshiq asaldan tayyorlanadi. Yuz u bilan har kuni yaxshilab artib turilsa, sho'ralash asta-sekin yo'qolib boradi.

Kechqurun esa quyidagi jarayon foydali: 1 choy qoshiq asal tuxum oqi bilan ko'pirtiriladi. Aralashma qo'l kaftiga qo'yiladi va po'st tashlagan joylarga yopishqoq holdagi ushbu aralashma suriladi. Maska romashka yoki yalpiz qaynatmasi bilan yuvib tashlanadi. Shundan so'ng xoh yuzga, xoh qo'lga oziqlantiruvchi krem suriladi.