Главная » 2010 » Dekabr » 19 » OYBEK va NIGORADAN BIR TALAY YANGILIKLAR: yangi film, “BOBOYJONIM”, “To`xtama” va…
12:10
OYBEK va NIGORADAN BIR TALAY YANGILIKLAR: yangi film, “BOBOYJONIM”, “To`xtama” va…
Xalqimizning sevimli qo’shiqlaridan biri "Boboy jonim” qo`shig`ini Oybek va Nigora yangicha talqinda ijro qilganidan xabaringiz bor. Hozirgi kunda FM to’lqinlari orqali jarang sochayotgan ushbu tarona qisqa muddat ichida reytinglarning yuqori pog’onalariga ko’tarilib oldi. Endilikda muxlislar talabidan kelib chiqqan holda Oybek va Nigora aynan shu taronasi uchun klip suratga olishni rejalashtirgan. Yaqin kunlarda siz bu klipni tomosha qilishingiz mumkin.
Nigora shu kunlarda yana yangi filmda suratga tushmoqda. Film rejissori Jahongir Poziljonov. Hali film aynan qanday mavzuda ekanligi haqidagi xabarlar yo’q. Shuni aytish mumkinki, film bosh qahramonlari Jahongir Poziljonov va Nigora. Tez orada batafsil ma’lumot berishga harakat qilamiz.
Bugun Oybek va Nigoraning rasmiy web saytlari orqali ular ijrosidagi "To’xtama” taronasini tinglab ko’chirib olish imkoniyati yaratildi. Buning uchun siz rasmiy saytning "Musiqa” bo’limiga tashrif buyurishingiz kifoya.
Oybek va Nigora shu kunlarda "Mo'min" taxallusi ostida ijod qilayotgan yosh iste'dod egasiga ijodiy yordam berib kelishmoqda. Mo'minning ayni damda "Sarson sevgi" nomli ilk taronasi tayyor. Qo'shiqning so'zi va musiqasi Shaxboz SoundPro ga tegishli.