Главная » 2010 » Dekabr » 29 » Эркакларга янги йилда нима совға қилиш мумкин? 5 та қизиқарли ғоя
00:06
Эркакларга янги йилда нима совға қилиш мумкин? 5 та қизиқарли ғоя
Бутун дунё қизлари янги йил байрами
арафасида йигитларига нима совға қилиш ҳақида ўйлаб, шошиб қолишади.
Ғоялар бир талай, аммо уларнинг аксариятидан керакли пул миқдорининг
йўқлиги ёки сиз хоҳлаган совғани пойтахтда топиб бўлмаслиги сабабли
дарров воз кечишга тўғри келади. Биз барча омилларни ҳисобга олдик,
оддий ва оригинал ғояларни бирлаштирдик, энди эса эркаклар учун янги
йил совғалари рўйхатини сизларга тақдим этишдан хурсандмиз.
Энг ҳамёнбоп вариантдан бошлаймиз. Энг иссиқ ва ғамхўр совға – бу шарф.
Уни ўз қўлларингиз билан тўқишингиз ҳам мумкин. Бундай хэнд мейдга
тахминан 300 гр ип кетади, унинг нархи эса (синтетика ёки жун ипларнинг
сифатига қараб) 7 000 сўмдан бошланади. Яна бир вариант – тайёр шарфни
сотиб олиш. Пойтахт дўконларида шарфларнинг ўртача нархи 50 000 сўмни
ташкил этади.
Эркаклар худди аёллар каби яхши атирни ёқтиришади. Севгилингизнинг
дидини билган ҳолда, осонлик билан у ёқтирадиган атирни танлаб
олишингиз мумкин. Эркаклар учун энг долзарб атирлар қайсилари эканини
бу ерда билиб олиш мумкин.
Чилим эркаклар учун қизиқарли совғага айланиши мумкин. Тошкентда
уларнинг танлови катта. Нархи ушбу совғанинг ўлчамига қараб 30 000
сўмдан бошланади. Олой бозори ҳамда Минор метро бекатининг қаршисида
жойлашган Orient Hause дўкончаси харидорга катта ассортиментни таклиф
этмоқда.
Агар севган кишингиз гаджетларни яхши кўрса, унга бемалол янги йил
флешкаларини, сичқонча учун гиламча ёки янги йил услубида безатилган
сичқончанинг ўзини совға қилишингиз мумкин.
Кириб келаётган Қуён йилида жониворларни яхши кўрадиган эркаклар учун
тирик қуённинг ўзи ажойиб совғага айланади. Аммо бундай совғани харид
қилишдан олдин унинг бўлғуси соҳибидан унда қуёнлар билан боғлиқ
фобиялар ёки оддий аллергия бор-йўқлиги ҳақида эҳтиётлик билан сўраб
кўринг. Акс ҳолда ёқимтой сюрпризингиз ҳақиқий даҳшатга айланиши тайин.
Афсуски, Тошкент зоодўконларида бундай жониворлар жуда кам учрайди.
Оппоқ ва момиқ қуёнларни қуёнчилик билан шуғулланадиган фермерлардан
ҳам харид қилиш мумкин. Катаги ва бошқа нарсаларидан ташқари битта
қуённинг нархи ўртача 35 000 сўмни ташкил этади.
Ҳар қандай совға бу самимий эътибор ва меҳр-муҳаббатдан далолат.
Севикли ёрингизга нима ҳадя этишингиздан қатъи назар, бу уни
қувонтириши ва узоқ вақт хотирада қолиши шубҳасиз.
