Сўнгги пайтларда ижодида сукут билан ишлаётган Илҳом Фармонов кўпчилик ўйлагандек, танаффусда эмас…
Янги
қўшиқ ва клиплар билан мухлисларини хушнуд этишга тайёрланаётган
хонанда бирин-кетин ижодий ишларини тақдим этишни бошлаяпти.
—
«Қора қош», «Парилар», «Ёргинам-эй», «Хиром айла» каби қўшиқларимни
яқиндаги ёзиб тугатдим. Барчаси шўх йўналишида куйланган», — дейди Илҳом
Фармонов
Тўйлар
мавсуми яқинлашгани сайин фақат рақсбоп қўшиқларга эътиборини қаратган
Фармонов, мухлислар билан дийдорлашишни ҳам унутмаган. У тез кунларда
юртимизнинг кўпгина вилоятларига гастроль сафарларини мўлжалаб қўйган.
"Бўшадим... Навбат ижодга”
Cўнгги
пайтларда сериалларда бозори чаққон бўлиб қолган Хоразм воҳаси вакилли
Анвар Собиров хоннадалик фаолиятига қайтган кўринади...
Наврўз,
кўклам байрамини Ҳиндистондаги ҳамюртларимиз билан биргаликда кутиб
олган хонанда, ўзининг янгидан янги қўшиқларини преъмерасини ўтказишга
қаттиқ бел боғлаган.
Анвар Собиров:
— Таклиф асосида чет эл сафарига бориб келдим. Очиғи, у ердаги ўзбек
санъатининг мухлсиларини кўриб ижодга бўлган мехрим янада ошди. Яқин
кунларда фалсафий йўналишдаги бастакор Жаҳонгир Парижонов, шоир Шуҳрат
Аҳмедов билан ҳамкорлигимизда яратилган янги қўшиқни мухлсилар
эътиборига ҳавола этамиз. Клипи билан эфирга узатиладиган қўшиқ
тингловчиларга манзур бўлади, деган умиддаман.
У рекламани унутибди!
Фалсафий қўшиқлар билан танилган Ўлмас Оллоберганов бугун фақат реклама билан шуғилланаётганини айтди.
—
Мен ижод қилавериб, уни мухлисларга тақдим этиш ҳақида ўйланмабман.
Энди эса, тайёрлаган «Буни ҳаёт дейдилар», «Нигорим» каби тароналарни
тингловчиларга етказиш билан машғул бўламан.