Afsonalar o'qmoq nechun, qulog'iga kirmasa gar,
Ming so'zlama, ko'zin ochib ma'nosini chaqmasa gar.
Hayoliyni uqittingiz, hayotiyni unuttirib,
Sizni suyib - "otam" dedim...otajonim bo'lmadingiz...

Koshonlar qurmoq mumkun, sotmoq mumkun tog'u toshni,
Egmoq mumkun yo ko'tarmoq poying uzra singan boshni.
Qo'llarimga tutqazdingiz molu-davlat behisob lek,
Sizni suyib - "otam" dedim...otajonim bo'lmadingiz...

Tanlaganda zebu-ziynat men muhabbat tanlar edim,
Adovatni tepkilab yo CHIN adolat tanlar edim...
Yetaklaysiz qay manzilga, bo'ynim uzra zanjir tutib...
Sizni suyib - "otam" dedim...otajonim bo'lmadingiz...