TOZALOVCHI VOSITALAR

Teri sog'lom ko'rinishga ega bo'lishi uchun uni avvalo tozalash lozim va buni also unutmaslik kerak, shunda parvarishimizning samaradorlagi va foydaliligi oshadi. Shu sababli dastlab terini tozalovchi vositalar retseptlarini keltirib o'taman.

Asalli suv. Asalli suv tayyorlash uchun 2 stakan iliq suvga 1 osh qoshiq asal aralashtirilib, eritma hosil qilinadi. Bu asalli eritma bilan yuz kechqurun yuviladi va 5-7 daqiqadan so'ng sovunsiz iliq suvda chayib tashlanadi. Asalli suv terini ajoyib oziqlantiradi va tozalaydi, uni silliq va tekis qiladi.

Spirtli maska. 2 osh qoshiq spirt va suv aralashtirilib, 100 g past olovda yengil qizitilgan asal qo'shiladi. Komponentlar bir xil massaga kelguncha aralashtiriladi. Maska 10-12 daqiqaga yuzga suriladi. U yuz terisini tozalaydi, dezinfeksiyalaydi, shu bilan birga yumshatadi.

Tozalovchi krem. Keramik idishga 6 g vosk, 0,5 g buri, 24 g shaftoli yog'I, 4 g glitserin va 16 ml suv solinadi. Hamma mahsulotlar baland bo'lmagan olovda eritiladi, keyin esa aralashtirilib sovutiladi, Sovugandan keyin terini tozalovchi vosita sifatida foydalanish mumkin.

Asalli molochko. 1 stakan iliq sutda 1 osh qoshiq asal eritiladi. Undan sezuvchan terilarni tozalashda foydalanish mumkin.

Oqsilli-asalli maska. 1 osh qoshiq asal, 0,5 choy qoshiq shaftoli moyi va 2 ta ko'pirtirilmagan tuxum oqi aralashtiriladi. Bir xil massaga keltiriladi. Unga 2 osh qoshiq suli uni qo'shiladi. Tayyor bo'lgan maska yuzga suriladi, 20 daqiqa turgandan so'ng, qaynatilgan suvga botirilgan tampon bilan tozalanadi. Maska terini tozalaydi, shu bilan birga teridagi suv balansini yaxshilaydi.