"Наполеон" торти

Бу француз тортининг асл номи "Mille-feuille" ва  унинг рецепти биринчи марта 1651 йилда чоп этилган  "Француз ошхонаси" номли китобда келтирилган. Mille-feuille бошқа мамлакатларда "Наполеон" номи билан ҳам машхур. Тахмин қилинишича французлар бу тортнинг италиянча тайёрлаш услубини "Наполитан торти" деб аташган ва вақт ўтиши билан наполитан сўзи наполеонга айланиб борган. Наполеон тортининг турли ҳил тайёрланиш услублари мавжуд бўлиб, у жуда  майин ва мазали таъмга эга.

МАСАЛЛИҚЛАР:

Биринчи хамир:

• 150 гр сариёғ ёки маргарин
• 1ст ун

Иккинчи хамир:

• 2 ст ун
• 100 мл сут
• 1 та тухум
• чимдим туз

Крем:

• 6 та тухум сариғи (ёки 3 та тухум)
  
• 1 ст шакар
  
• 60 гр крахмал ёки ун
• 600 мл сут
• 150-200 гр сариёғ
  

ТАЙЁРЛАНИШИ:
Икки ҳил хамир қориб олиб кейин иккаласини бирбирига қўшамиз. 1. Биринчи хамирни тайёрлаш учун муздек сариёғга ун қўшиб...
2. ...хамир холига келгунча қориштирамиз. 3. Тайёр хамирни совутгичга қўямиз.
4. Иккинчи хамирни тайёрлаш учун унга сут, тухум, туз солиб қорамиз ва...
5. ...муштлаб ҳамир холига келтирамиз.
6. Хамирни бироз ёйиб олиб ўртасига совутгичда турган сариёғли хамирни қўямиз. 7. Пасидаги хамир четларини ўраб, иккала хамирни бирлаштириб зувалача холига келтирамиз.
8. Тайёр бўлган хамирни бироз ёйиб, иккала четини устма уст тахлаймиз. Ва шу жараённи икки уч марта такрорлаймиз.
9.  Хамирни пичоқда 12 бўлакка бўлиб, целофанга солиб совутгичга 30 дақиқага қўямиз.
10. Совутгичдан биттадан хамир бўлакчаларини оламиз ва жувада ёйиб, диаметри 20 см ликопчани қўйиб четларини кесиб оламиз. Қўшимча: Хамирни пишириқ қоғози устида ёйиб, қоғози билан листга қўйилса осон бўлади.
11. Хамирларни 180 С даражагача қиздирилган духовкада 5-7 дақиқадан пишириб оламиз.
12. Ҳар бир қават орасига заварной крем суртиб, торт қаватларини устма уст териб чиқамиз. Заварной кремнинг тайёрлаш услуби мана бу рецептда кўрсатилган.
13. Оҳирги қаватига крем суртмасдан, устига тахтакач қўйиб, оғирроқ (1 кг гача) нарса билан 4-5 соат давомида бостириб қўямиз.
14. Торт усти ва ёнларига крем суртиб, хамир четидан ортиб қолган бўлакларни майдалаб, сепиб чиқамиз. 15. Тайёр тортни совутгичга 2-3 соатга қўямиз.

Торт тайёр. Ёқимли иштаҳа!

ҚЎШИМЧА:

Креми учун:

• Заварной крем тайёрлаб олиб совутилади.
• Сариёғни миксерда кўпиртириб оз-оздан заварной креми қўшиб кўпиртирилади.

- Заварной креми билан тайёрланган  "Наполеон торти" юмшоқ ва майин бўлади.