Taqdir bir kam yaralgan, dunyo emas,
Bir telbaman, aql-u, xushga oshno emas.
Dil o`kinchim! ketavering, ortga boqmay,
Mening uchun siz baxtiyor bo`lsangiz bas!

Yig`lab-yig`lab tugar bir kun ashkim bori,
Kuylay-kuylay uziladi qalbimning tori.
Mayli yog`sin bu boshimga tog`lari qori,
Mening uchun siz baxtiyor bo`lsangiz bas!

Mayli mening osmonimga oy chiqmasin,
Yurgan yo`lim, sahro bo`lsin, soy chiqmasin.
Qabri uchun yer yuzidan joy chiqmasin,
Mening uchun siz baxtiyor bo`lsangiz bas!

Iltimosim: ortingizga boqmay keting,
Baxtli kunda men telbani bir yod eting.
So`ngi so`zim: baxtingizni mahkam tuting,
Mening uchun siz baxtiyor bo`lsangiz bas