Янги юрган бола учун энг яхшиси ялангоёқ юришдир. Ялангоёқ юриш бола
оёғининг шаклини ва буғимларини тўғри ривожлантиради. Ҳаво иссиқ
бўлганда, болага оёқ кийим кийдирманг. Ерда ҳам ялангоёқ юргани яхши.
Мустақил юра бошлаган бола учун оёқ кийим танлаганда пойафзални болага кийдириб кўринг.
Оёқ кийимнинг ташқи кўринишига эмас, бола оёғига қўлайлигига эътибор қаратинг. Биринчи ўринда пойабзал енгил бўлиши керак. Таглик. Пойафзалнинг таглиги эгилувчан бўлсин.
Эгилувчан таглик оёқ ҳаракатига халақит бермайди. Оёқ кийимни букиб
кўринг, таги юмшоқ бўлса, осон бўкилади. Аммо баъзи шифокорлар оёқ
кийим таглиги қаттиқ бўлиши керак, деган фикрни билдирадилар. Бу ҳақда
шифокорингиз фикрини ҳам эътиборга олинг. Шифокор боланинг жисмоний
хусусиятларидан келиб чиқиб маслаҳат беради.
Тагликда бўртма нақшлар бўлишига эътибор беринг. Бола сирпанчиқ тагли
оёқ кийимда юришга қийналади. Агар оёқ кийим таглиги силлиқ бўлса, бир
неча жойига пластир ёпиштириб қўйинг.
Бола оёқ кийими табиий матодан (тери, газлама) бўлиши керак. Пойабзал
ҳаво ўтказадиган, терлатмайдиган бўлиши лозим. Оёқни терлатадиган
нотабиий матодан бўлган пойафзал бола оёғида замбуруғли касалликлар
ривожланишига олиб келади. Ёмғирли ҳаво учун олинган пойафзални
мавсумида кийдиринг.
Бола оёқ кийими баланд пошнали бўлмаслиги керак. Бундай пойафзал
суяги қотиб улгурмаган боланинг умуртқа суягининг қийшайишига олиб
келади. Орқаси. Орқа тарафи – пошнаси − бўкилмайдиган оёқ
кийим танланг. Ён атрофи юмшоқ матодан, орқаси эса бўкилмайдиган
матодан бўлса, бола оёғини жароҳатлантирмайди. Пойафзал ўлчами. Оёқ кийим катта ҳам, кичик ҳам
бўлмасин. Кўпинча, ота-оналар кейинги йил ҳам кияди, деган фикрда ўз
ўлчамидан каттароғини олишади. Каттаси эса оёқнинг кийим оёқ
шаклланишига таъсир кўрсатади.
Қишки оёқ кийим танлаётган бўлсангиз, бола оёғини қалин пайпоқ
кийдириб кўришни унутманг. Бармоғингиз билан оёқ кийимнинг учини босиб
кўринг. Бармоқ билан оёқ кийим учи орасида 5-10 мм қолиши керак. Орқа
қисмида ҳам 5-7 мм бўшлиқ бўлсин. Шакли. Оёқ кийим шакли ҳам стандарт бўлсин.
Ковбойсифат, товони баланд бўлган оёқ кийимларни танламанг. Турли
хилдаги замонавийликлар ортидан қувманг. Боланинг суяклари ҳали тўла
шаклланмаганлигини ёдингизда тутинг. Супинатор. Пойафзал танлаганингизда албатта
супинатор – махсус патагига эътибор беринг. Супинатор бола оёғининг
шаклланишида катта роль ўйнайди. Супинаторсиз пойафзал болада ясси
оёқлик (плоскостопия)нинг ривожланишига олиб келади. Супинаторнинг
баланд бўлиши ҳам оёқ ости шаклланиши бузилишига олиб келади. Товони. Шифокорлар энди юраётган бола оёқ кийимида
5-7 мм пошнача бўлиши керак, дейдилар. Пошна энди юраётган бола
оёқларига тиргак вазифасини бажаради.
Осон кийиб ечиладиганини танланг.
Болага оёқ кийим танлаганда чидамлилик унча аҳамиятли эмас. Бола оёғи
тез ўсади, бир мавсум кийган оёқ кийим кейинги мавсумга кичрайиб
қолиб, эскиришга улгурмайди ҳам. Одатимизга кўра, кийимлар катта
фарзанддан мерос бўлиб кичик фарзандга ўтади. Оёқ кийим борасида
бундай йўл тутиш нотўғри. Пойафзал − кийган одам оёғининг шаклини
олади.
Энди мустақил қадам ташлай бошлаган болага шиппак олманг. Боланинг
оёғини ҳар 3 ойда текшириб туринг. Пойафзал кийгач, боланинг оёғи
қизариш, унга янги оёқ кийим олиш вақти келганидан дарак. Пойфазалнинг
ҳар иккала томонини кийдириб кўрганигиздан сўнг харид қилинг.
Фарзандингизнинг қадамлари енгил бўлсин!..
